Kreu veprime të turpshme në prani të të miturit/ Arrestohet 45-vjeçari në Tiranë

Policia Tiranës ka arrestuar 5 persona të akuzuar për vepra të ndryshme penale. Në pranga ka rënë një 45-vjeçar i cili akuzohet se ka kryer veprime të turpshme në prani të një shtetasi të mitur. Po ashtu është arrestuar një 41-vjeçar që ka ushtruar dhunë ndaj fizike e psikologjike bashkëshortes. Në pranfa ka rënë edhe një 26-vjeçar pasi ka vjedhur disa produkte në një dyqan duke kanosr me thikë një person. Po ashtu u arrestua një shtetas që drejtonte mjetin pa leje qarkullimi dhe drejtuesi i mjetit që shkaktoi aksidentin në Rrogozhinë.

Njoftimi:

Tiranë

Arrestohen në flagrancë 5 shtetas, për vepra të ndryshme penale, njëri prej tyre i shpallur në kërkim kombëtar.

Specialistët për Hetimin e Krimit në Komisariatin e Policisë Nr.2 bënë arrestimin në flagrancë të shtetasit M. B., 41 vjeç, pasi ka ushtruar dhunë fizike dhe psikologjike ndaj bashkëshortes së tij.

Nga specialistët për Hetimin e Krimit në Komisariatin e Policisë Nr.3, u bë arrestimi në flagrancë i shtetasit G. R., 26 vjeç, pasi me datë 05.03.2021, nën kanosjen e një mjeti prerës ka vjedhur disa produkte në dyqanin e shtetasit P. B.

Në vijim të punës për kapjen e personave në kërkim kombëtar dhe vënien e tyre përpara përgjegjesisë ligjore, nga sherbimet e Komisariatit Nr.6 u bë kapja dhe ndalimi i shtetasit E. K., 45 vjeç, i shpallur në kërkim për veprën penale “Vepra të turpshme” pasi me datë 01.02.2021, ka kryer veprime të turpshme në prani të një shtetasi të mitur.

Specialistët e Qarkullimit Rrugor bënë arrestimin në flagrancë të shtetasve :

1. M., 20 vjeç, pasi u kap duke drejtuar mjetin pa lejen përkatëse ;
2. L., 37 vjeç, pasi ditën e djeshme është përfshirë në një aksident me 2 mjete të tjera. Si pasojë e aksidentit kanë humbur jetën 2 drejtuesit e mjeteve shtetasit T. M., 59 vjeç dhe B. K., 58 vjeç, si dhe shtetasja R. K., 44 vjeçe., pasagjere në mjetin me drejtues B. K. Gjithashtu është dëmtuar dhe një shtetase e mitur 10 vjeçe, e cila ndodhet në spital nën kujdesin e mjekëve.

Materialet i kaluan Prokurorisë së Rrethit Gjyqësor Tiranë, për veprime të mëtejshme.