Kreu i shtetit ka vijuar me një tjetër status në rrjetin e tij social, Twitter, ku shkruan dhe u bën thirrje përsëri studentëve për të dialoguar. Ai e përsërit që i pret për diskutim në lidhje me plotësimin e kërkesave të tyre.
Rama nuk lë pa përfshirë në mesazhin e tij edhe partitë opozitare.
Ai ironizon faktin që nuk pranohet të dialogohet dhe thotë që të plotësohen kërkesa pa dialog, funksionon vetëm në klinikën e Doktoreshë Monës dhe në Gjumin e Lul Artistit.
Sipas kryeministrit, kjo është një ditë e humbur kot. “Unë ju pres!”- përfundon ai.
“Një tjetër ditë e humbur me arsyen e Mosarsyes: Kam kërkesa po s’dua të flas për to, prandaj m’i plotëso! Kështu funksionon në Klinikën e Doktorreshë Monës, në Gjumin e Lul Artistit, në Megafonin e Profesor Qorrit, po jo në mësimet e demokracisë e të prindërve tuaj. Unë ju pres.”
