Komisioni Qendror i Zgjedhjeve në Kosovë ka njoftuar se do të mbajë sot një mbledhje, ku në rend dite është certifikimi i rezultateve përfundimtare të zgjedhjeve të mbajtura më 9 shkurt.
Sipas njoftimit zyrtar, mbledhja do të zhvillohet në orën 16:00. KQZ ka shpallur tashmë rezultatet përfundimtare më 15 mars, të cilat konfirmojnë renditjen e partive:
• Lëvizja Vetëvendosje (LVV) ka siguruar 42.30% të votave, duke dalë forcë e parë politike.
• Partia Demokratike e Kosovës (PDK) renditet e dyta me 20.95%.
• Lidhja Demokratike e Kosovës (LDK) ndjek me 18.27%.
• Koalicioni mes Aleancës për Ardhmërinë e Kosovës (AAK) dhe Nismës Socialdemokrate ka marrë 7.06%.
• Lista Serbe, partia kryesore e komunitetit serb, ka siguruar 4.26% të votave.
Certifikimi i rezultateve do të shënojë hapin e fundit zyrtar për mbylljen e këtij procesi zgjedhor.
