Komisioni Qendror i Zgjedhjeve gjatë kontrolleve të vendodhjes së selive të partive në Shqipëri rezulton se nga 131, 76 prej tyre nuk iu dihet as adresa. Gjithashtu dhe deklarimi jo i plotë i parave të përfituara dhe të shpenzuara nga partitë politike si ato parlamentare dhe jo mbetet një problem shqetësues.
Nga të dhënat rezulton se nga 48 subjekte politike që dorëzuan raportin financiar disa prej tyre rezultojnë me probleme. Përjashtim vazhdon të bëjë vetëm Partia e Lirisë. Në mbyllje të auditimit për 108 subjekte politike, komisioneri shtetëror i zgjedhjeve Ilirjan Celibashi vendosi gjoba.
Përveç partisë së Ilir Metës, për socialistët e Edi Ramës dhe demokratët e Lulzim Bashës gjoba është e njëjtë, nga 60 mijë deri në 1 milionë lekë. Në mesin e partive parlamentare me probleme financiare është edhe ajo social-demokrate e Tom Doshit. Punonjës të paguar në të zezë dhe blerje pa faturë tatitmore elektronike. Nga vendimmarrja e KQZ-së, u vendos një total prej 18,640,000 lekësh gjobë ndaj 107 partive politike.
