Kolegji i Posaçëm i Apelimit ka rrëzuar vendimin e Komisionit të Pavarur të Kualifikimit për shkarkimin nga detyra të gjyqtares administrative të Tiranës, Semiramis Hoxholli, duke e rikthyer atë në detyrë.
Vendimi i KPA-së u mor pas një votimi me katër vota pro dhe një kundër.
Kolegji konstatoi se KPK kishte kaluar kompetencat e tij, pasi Hoxholli ishte e sapoemëruar dhe, sipas ligjit, nuk duhej të ishte subjekt i procesit të vettingut në këtë fazë.
Për këtë arsye, vendimi i KPK për shkarkimin e saj u shpall i pabazuar, duke e urdhëruar KPK-në të pushojë çështjen si të jashtë juridiksionit të tij.
