Ka shkuar në 6 numri i viktimave nga koronavirusi në Kosovë, pasi një tjetër person ka humbur jetën mbrëmjen e sotme.
Lajmi është bërë i ditur nga Ministria e Shëndetësisë së Kosovës, e cila njofton se bëhet fjalë për një grua 66-vjeçare nga Malisheva, e cila ka pasur edhe sëmundje të tjera shoqëruese.
“Sot më 08.04. 2020 në Klinikën Infektive të QKUK-së ka përfunduar me vdekje pacientja 66 vjeçe, nga Malisheva, e cila ka qenë e diagnostikuar me Covid-19. E njëjta ka pasur edhe sëmundje të tjera shoqërisë. Kjo është vdekja e gjashtë e shënuar në Kosovë nga Covid-19”, bëhet e ditur përmes një komunikate për media.
Sakaq, sot janë konfirmuar edhe 14 raste të reja me COVID-19, duke çuar në 184 numri total të të infektuarve në Kosovë.
Këto dy ditët e fundit është vënë re një përkeqësim i situatës në shtetin e Kosovës, pasi numri i viktimave është dyfishuar, teksa ai i të prekurve është thelluar.
Ky përkeqësim ishte paralajmëruar më parë edhe nga OBSH, që ka bërë thirrje për masa të rrepta.
Kujtojmë se kryeministri në detyrë Albin Kurti vendosi të kufizojë lëvizjet në Kosovë, por ky vendim u hodhë poshtë nga Gjykata e Prishtinës pas kërkesës së presidentit Thaçi.
Sipas këtij të fundit situata nuk është shumë keq dhe nuk ka nevojë për masa të tilla, mirëpo vetë ai i kërkoi Kurtit të shpallte gjendjen e jashtëzakonshme.
