Komisioni Qendror i Zgjedhjeve po vazhdon numërimin e votave për subjektet politike. Sipas të dhënave më të fundit të publikuara nga KQZ, deri tani janë numëruar 90.13% e votave.
Lëvizja Vetëvendosje kryeson zgjedhjet me 41.00% të votave, ose 311,907 vota, e ndjekur nga Partia Demokratike e Kosovës me 22.37% dhe 170,198 vota, dhe Lidhja Demokratike e Kosovës me 17.57% ose 133,693 vota.
Aleanca për Ardhmërinë e Kosovës dhe Nisma Socialdemokrate kanë siguruar 7.56% të votave, duke arritur 57,539 vota, ndërsa Lista Serbe ka marrë 3.98% ose 30,273 vota. Koalicioni për Familje ka grumbulluar 2.30% të votave, ose 17,505 vota.
Procesi i numërimit vijon dhe priten rezultate të tjera në orët në vijim. KQZ ka njoftuar se gjatë zgjedhjeve të 9 shkurtit, kanë marrë pjesë 799,954 qytetarë, ose 40.59% e totalit, ndërsa të drejtë vote kishin 1,970,944 qytetarë.
