Ka shkuar në 107,627 numri i të prekurve nga Coronavirusi dhe janë shënuar 3,660 viktima në të gjithë botën.
Të prekur janë regjistruar në një pjesë të madhe të shteteve, ndërsa gjendja më alarmante paraqitet në shtetin fqinj, Itali, ku kanë humbur jetën 233 persona, ndërsa 5,883 të tjerë janë infektuar.
Më herët ditën e sotme aeroporti i Rinasit ka anuluar gjashtë flutime drejt Italisë dhe anasjelltas, për herë të parë që nga shpërthimi i virusit në vendin fqinj.
Aeroporti i Rinasit anulon 6 fluturime drejt Italisë, nuk dihen ende shkaqet
Së fundmi, këtë masë e ka marrë edhe Kosova, që ka vendosur të anulojë të gjithë fliturimet që vijnë nga zonat e prekura me Coronavirus në Itali.
Lajmin e ka bërë të ditur ministri i Infrastrukturës, Lumir Abdixhiku, përmes një postimi në Facebook, ku shkruan se për shkak të parandalimit të përhapjes së COVID-19 ka vendosur anulimin e fluturimeve me italinë.
Ai ka thënë se këtë rekomandim emergjent e kanë marrë nga Instituti Kombëtar i Shëndetësisë, si refleksion i karantinës së vendosur nga qeveria italiane për Italinë veriore.
“Sot, në ora 12:40 kemi pranuar rekomandim emergjent nga Instituti Kombëtar i Shëndetësisë për anulimin e të gjitha fluturimeve që vijnë nga zonat epidemike të Italisë së Veriut – si reflekcion i karantinës së vendosur nga qeveria italiane në betejën kundër Coronavirusit. Si rrjedhojë, kam kërkuar anulimin e përkohshëm të të gjitha fluturimeve që vijnë nga kjo zonë epidemike e cilësuar si zonë me risk të lartë. Fluturimet janë ndërprerë. Ndjejmë keqardhje për masat e marra – por në situatën e tanishme nuk kemi alternativë. Jam në kontakt të ngushtë me Ministrin e Shëndetësisë Vitia dhe me Ministrin e Punëve të Jashtme Konjufca për të koordinuar kontrollin ne Aeroport dhe asistencën eventuale ndaj udhëtarëve në zonat e rrezikshmërisë së lartë”, shkruan Abdixhiku.
Prej shpërthimit të Coronaviorsuit kjo është hera e parë që shteti i Kosovës ka reaguar, teksa shtetasit shqiptarë janë shprehur të shqetësuar, madje nuk i kanë kursyer as kritikat ndaj qeverisë.
Edhe Kosova ashtu si Shqipëria, deri tani nuk ka regjistruar asnjë të infektuar, ku disa raste të dyshuara kanë rezultuar negativ.
