Kosova ka regjistruar ditën e sotme një numër të lartë të rasteve pozitive me koronavirus, teksa në 24 orë janë raportuar 437 infeksione nga 2643 testime të kryera. Ndërkohë, numri i vdekjeve si pasojë e COVID ka qenë pesë, mes tyre edhe një i ri 30-vjeçar.
“Brenda 24 orëve janë raportuar 5 raste të vdekjes me SARS CoV-2 pozitiv. Rastet e vdekjes janë nga komunat: Deçan 1 rast (62 vjeç), Obiliq 1 rast (30 vjeç), Podujevë 1 rast (76 vjeç), Prishtinë 1 rast (82 vjeç) dhe Prizren 1 rast (77 vjeç).”, ka njoftuar Instituti i Shëndetit Publik në Kosovë.
Ditët e fundit Kosova ka regjistruar një numër mjaft të madh rastesh pozitive, ndërsa ditën e djeshme u raportua shifra më e lartë e infektimeve për këtë vit me 461 të infektuar me virusin. Instituti Kombëtar i Shëndetit Publik në Kosovë bëri thirrje për respektim të masave të vendosura për tu mbrojtur nga virusi. ISHKPK bëri thirrje që qytetarët të tregoheshin të kujdesshëm dhe institucionet përkatëse të merrnin masat për parandalimin e përhapjes së mëtejshme të pandemisë. Numri total i rasteve pozitive në Kosovë është deri më sot 67 906 dhe 1587 persona kanë humbur jetën. Gjithsej nga fillimi i pandemisë janë kryer më shumë se 297 mijë tampone për COVID-19. Numri i rasteve aktive është aktualisht 7145, ndërsa janë shëruar 51 974 persona
