Nesër në Apelin e Gjykatës së Posaçme do të zhvillohet seanca për masën e sigurisë “Arrest me burg” ndaj kryebashkiakut të Tiranës, Erion Veliaj.
Gazetarja Klodiana Lala raporton se Veliaj kërkon zbutjen e masës, duke argumentuar se nuk ka asnjë arsye për të mbajtur këtë masë, pasi nuk ka mundësi të prishë prova, të intimidonte dëshmitarët apo të largohej jashtë vendit.
Nga ana tjetër, prokurorët Ols Dado dhe Altin Dumani mbështesin masën e sigurisë, duke theksuar se Veliaj ka mundësinë të manipulojë provat për shkak të pozitatës së tij si kryetar bashkie.
Veliaj akuzohet për “Korrupsion” dhe “Pastrim parash”, veprime të kryera në bashkëpunim me bashkëshorten e tij, Ajola Xoxa. Seanca do të drejtohet nga gjyqtari Engert Pëllumbi, pasi gjyqtarja Ilirjana Olldashi është në mungesë për arsye shëndetësore.
