Koronavirusi vijon të marrë jetë në Kosovë. Instituti Kombëtar i Shëndetësisë Publike në Kosovë ka njoftuar se kanë vdekur edhe pesë pacientë të tjerë me Covid-19 duke e çuar numrin në total të viktimave në 135 persona që nga fillimi i pandemisë.
Në njoftimin e ISHPK-së thuhet se në 24 orët e fundit janë regjistruar edhe 118 raste të reja me koronavirus.
Numri total i rasteve pozitive është 5.735 raste nga 31.056 persona të dyshimtë në virusin SARS-CoV-2, me gjithsej 135 raste të vdekjes, të cilët kanë pasur sëmundje të tjera shoqëruese.
Rastet pozitive janë nga:komuna Prishtinë 48 raste, komuna Ferizaj 11 raste, komuna Fushë Kosovë 9 raste, komuna Drenas 7 raste, komuna Pejë 7 raste, komuna Mitrovicë 6 raste, komuna Prizren 4 raste, komuna Gjilan 4 raste, komuna Gjakovë 3 raste, komuna Podujevë 3 raste, komuna Viti 3 raste, me nga 2 raste komunat: Kaçanik, Skenderaj dhe Vushtrri dhe me nga 1 rast komunat: Han i Elezit, Kamenicë, Klinë, Kllokot, Lipjan, Obiliq dhe Suharekë.
Së fundmi janë shëruar 157 pacientë dhe numri në total i pacientëve që kanë fituar betejën me sëmundjen vdekjeprurëse ka shkuar në 2.968 të tjerë.
