Në përditësimin e përditshëm të të dhënave, Ministria e Shëndetësisë informoi se në 24 orët e fundit janë regjistruar 143 raste të reja nga 650 testime të kryera dhe tashmë numërohet 7260 të infektuar në total.
Por në Fier nuk u raportua asnjë rast me të infektuar edhe pse mësohet se e se në IEVP Fier, 6 punonjës të Policisë së Burgjeve, 2 infermierë dhe 1 i burgosur kanë rezultuar pozitivë me COVID-19 .
Ndërkohë i dënuari me Covid-19 është shtruar në spitalin e burgut dhe është izoluar nga pjesa tjetër e të burgosurve.Aktualisht në burgjet e vendit tonë janë 15 persona pozitiv me koronavirus dhe vetëm 4 të dënuar janë shtruar në spital për të marrë mjekim në spital.
Numri më i lartë i të dënuarve me korornavirus është në burgun e Lezhës.Aktualisht ne spitalin Infektiv dhe “Shefqet Ndroqi” po trajtohen 119 pacientë të konfirmuar pozitivë, 14 pacientë janë në terapi intensive, 3 prej të cilëve të intubuar.Gjatë 24 orëve të fundit janë shëruar 51 qytetarë, duke e çuar numrin e të shëruarve në 3746, që nga fillimi i epidemisë.
