Mëngjesin e kësaj të premteje në Korçë një grabitje me dhunë ka ndodhur në një pikë këmbimi valutor.
Ngjarja u regjistrua tek lagjja ‘Nr 10’, ku paraprakisht thuhet se një person ka marrë një shumë të konsideruar parash.
Autori i krimit ka qenë i maskuar dhe nën kërcënimin e thikës ka mundur që të marrë paratë.
Ende nuk dihet shuma e saktë e parave të vjedhura, por dyshohet se bëhet fjalë për 2500 euro dhe 100 mijë lekë të reja.
Ndërkohë në vendin e ngjarjes ka shkuar policia, e cila nisi hetimet për identifikimin e autorit të krimit. Personi që ndodhej në pikën e këmbimit valutor pritet të merret në pyetje nga policia, i cili do të japë detaje rreth agresorit.
