Kopshti Zoologjik është i vetmi park zoologjik publik në Shqipëri dhe është ndërtuar në vitin 1960.
Ky park është nën administrimin e Bashkisë së Tiranës.
Kopshtet zoologjike u japin mundësi vizitorëve të shohin disa nga krijesat më interesante dhe më mbresëlënëse të tokës në një mjedis pak a shumë natyror.
Por, kjo nuk është e vlefshme në vendin tonë.
Që prej 1990 kafshët në Kopshtin Zoologjik kanë ardhur duke u pakësuara.
Përveç kësaj, në këtë kopsht dikur mund të gjeje kafshë fare të zakonshme, ndryshe nga sa pretendohet për një kopsht të tillë.
Mirëpo, së fundmi ky vend ka filluar të shërbejë si magazinë për të mbajtur sende të vjetra.
Në një foto të publikuar nga Ora News në park shihen material ndërtimi, lodra të shkatërruara fëmijësh e shumë sende të tjera.
Po ashtu, aty mund të gjeni edhe kosha plehrash të rinj dhe të prishur.
Madje, në disa prej tyre ka mbirë bari.
Vetë qytetarët janë të shqetësuar nga ky fakt.
Koopshti Zoologjik i Tiranës është ndër të paktat vende në kryeqytet, që pretendohet të ofrojë një hapësirë ndryshe për banorët dhe jo vetëm.
Mirëpo, kohët e fundit ai ka dalë jashtë funksionit.
