Ambasadorja e Shteteve të Bashkuara të Amerikës në Tiranë Yuri Kim mirëpriti Kongresmenin e Shteteve të Bashkuara Mike Quigley, i cili ishte për një vizitë dy ditore në vendin tonë më 18 dhe 19 gusht. Ambasadorja Kim dhe Kongresmeni Quigley kanë vizituar bazën ajrore të Kuçovës, në të cilën NATO, ka vendosur që të investojë një shumë të majme për modernizimin e saj.
Baza e Kuçovës do të marrë një financim prej 58 milionë dollarësh nga NATO, për t’a modernizuar atë tërësisht, në mbështetje të transportit ajror, logjistikës, politikave ajrore dhe trajnimeve të NATO-s. Lajmi është bërë i ditur nga Ambasada Amerikane në Tiranë.
“Ambasadorja Kim mirëpriti Kongresmenin e Shteteve të Bashkuara Mike Quigley në Shqipëri këtë javë. Kongresmeni përfaqëson distriktin e 5-të të Illinois dhe në datat 18 dhe 19 gusht ishte në Tiranë, ku u takua me Ambasaroren Kim, Ministrin e Mbrojtjes Niko Peleshi, Shefin e Shtabit Begaj dhe vizitoi bazën ajrore të Kuçovës. Baza e Kuçovës do të marrë një financim prej 58 milionë dollarësh nga NATO, për t’a modernizuar atë tërësisht, në mbështetje të transportit ajror, logjistikës, politikave ajrore dhe trajnimeve të NATO-s’, thuhet në njoftimin e ambasadës së SHBA-së.
Në vendin tonë NATO pritet që të investojë në disa nga bazat kryesore ushtarake, për faktin që Shqipëria është në zemër të Mesdheut.
