Një ngjarje e rëndë ka ndodhur në Elbasan, ku një 57-vjeçare është përfshirë në një konflikt dhe ka goditur me lopatë një 25-vjeçare.
Si pasojë, e reja është dërguar në spital për ndihmë mjekësore, ndërsa ndaj 57-vjeçares është nisur procedimi penal.
Njoftimi i Policisë:
U referuan materialet në Prokurori ku nisi procedimi penal për shtetasen N. S., 57 vjeçe, pasi ka goditur me send të fortë (lopatë), një 25-vjeçare, për motive të dobëta. 25-vjeçarja mori mjekim dhe është jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
