Lionel Messi dhe drejtuesit e Barcelonës kanë shtuar konfliktet mes tyre dhe mesa duket duhet të shkojnëc në betejë ligjore.
Nga njëra anë katalanasit nuk kanë ndërmend që të heqin dorë nga shërbimet e argjentinasit. Ndërsa nga ana tjetër Messi pretendon se falë klauzolës së marrëveshjes së vitit 2017, mund të largohet nga ekipi I Barcelonës.
Së fundmi janë zbuluar edhe urdhërat e bordit për të gjithë drejtuesit e të gjithë niveleve të klubit, në lidhje me çështjen e “Pleshtit”.
Mesazhi i prerë nga bordi drejtues ka qenë që asnjë nga drejtorët e ekipit katalanas mos të hapin telefonin për asnjë ofertë për Messin.
Asnjë propozim për shitjen e “Jashtëtokësorit” nuk do të dëgjohet. Çdo klub që e do, duhet të paguajë klauzolën dhe bëhet fjalë për 700 milion euro që duhet të derdhen në arkat e klubit katalanas.
Messi nga ana tjetër është i bindur se sipas kontratës ai mund të largohet, referuar një klauzole në marrëveshjen e bërë në vitin 2017. Për këtë arsye sulmuesi argjentinas as nuk do të bashkohet me ekipin në stërvitje, sikurse nuk ka shkuar as të bëjë testin e COVID-19 para nisjes së përgatitjeve të ekipit.
