Nën cilësinë e kreut të OSBE-së, kryeministri Edi Rama, ka bërë thirrje për përshkallëzim urgjent të konfliktit mes Armenisë dhe Azerbajxhanit.
Rama thotë se palët duhet të vendosin armëpushimin, përpara se numri i viktimave nga ky konflikt të rritet. Deri tani mediat e huaja raportojnë për të paktën 16 viktima nga bombardimet, pjesa më e madhe e të cilëve janë civilë.
“I nxis të gjithë të përfshirët që t’i rikthehen armëpushimit, përpara se numri i viktimave nga ky konflikt të rritet edhe më tepër”, tha Rama.
Rama tha se bashkëkryetari i Grupit Minsk të OSBE-së dhe Përfaqësuesi Personal i Kryesuesit të Përgjithshëm, Ambasadori Andrzej Kasprzyk është në kontakt me të dyja palët.
“Rama mbështet plotësisht përpjekjet e palëve për të stabilizuar situatën në terren dhe përsëriti se nuk ka asnjë alternativë tjetër veç një zgjidhje paqësore të negociuar të konfliktit. Ai nënvizoi mbështetjen e tij për përpjekjet e bashkë-kryetarëve për të rifilluar negociatat thelbësore pa parakushte, sa më shpejt të jetë e mundur. Ai gjithashtu shprehu ngushëllimet e tij për familjet e atyre që humbën jetën në këtë episod dhune”, thuhet në njoftim.
Ndërkohë mes Armenisë dhe Azerbajxhanit ka shpërthyer një përplasje ushtarake për rajonin e diskutueshëm Nago-Karabak,ndërsa deri me tani raportohet për 16 viktima dhe mbi 100 të plagosur nga të dyja palët.Armenia njoftoi rrëzimin e helikopterëve pas akuzave ndaj Azerbajxhanit për sulme ajrore dhe artilerie.
NATO bëri thirrje për armëpushim, ndërsa Turqia i ka dalë në mbrojtje Azerbajxhanit. Ankaraja tha se Armenia duhet të tërhiqet.
