Ambasadori i Gjermanisë në Shqipëri, Karl Bergner një një intervistë nga Korça për “Ballkan Web” ka komentuar situatën politike, opozitë-mazhorancë në vendin tonë.
Bergner u shpreh se kaosi që po shkakton opozita gjatë senacave po pengon punën e parlamentit. Ai tha se mbase opozita duhet të gjejë një mënyrë më të drejtë për të kundërshtuar vendimet e grupit të mazhorancës në Kuvend.
“Sinqerisht do të shpresoja të shihja shumë shpejt opozita më të bashkuara që të luajnë rolin e tyre si kontrollues të qeverisë në një mënyrë më të mirë. Mendoj se duhet të bëjnë përpjekje për të ofruar propozimet e tyre. Deri më tani shoh më shumë energji duke penguar parlamentin. Por mendoj se ka mënyra të tjera më të drejta për të kundërshtuar diçka që është zgjedhur nga qeverisja”, tha ai.
Ambasadori gjerman komentoi gjithahstu edhe marrëveshjen mes Shqipërisë dhe Italisë për refugjatët, duke u shprehur se të dy vendet kanë bërë çmos për të respektuar rregullat kombëtare dhe ndërkombëtare.
