Pas përhapjes masive në mbarë botën, koronavirusi shfaqet edhe në Shqipëri. Mesnatën e së dielës, Ministria e Shëndetësisë konfirmoi dy rastet e para, babë e bir të moshave 54 dhe 28 vjeç.
Në njoftimin e Ministrisë, bëhet me dije se dy të infektuarit kishin ardhur nga Firence në Itali drejt Shqipërisë dhe kishin njoftuar urgjencën në momentin që kishin konstatuar shenjat e sëmundjes.
Bëhet me dije se dyshja babë e bir kishin udhëtuar me makinën e tyre personale në rrugë tokësore, duke kaluar nga pika e Hanit të Hotit.
Sakaq, Ministria konfirmon se po ndiqen të gjitha protokollet, ndërkohë që gjendja e dy të prekurve shfaqet e stabiziluar, ndërkohë që po kurohen në spitalin Infektiv në QSUT.
Sakaq, nga qeveria shqiptareka nisur marrja e masave. E para ishte pezullimi i të gjitha fluturimeve nga Rinasi drejt zonave të nxehta në Itali. Ndërsa në një kmbledhje të jashtëzakonshme mëngjesin e sotëm, kryeministri Rama njoftoi mbylljen e shkollave për 2 javë.
“Masat e sotme janë pezullimi i fluturimeve drejt veriut të Italisë dhe drejt zonave të kuqe, deri më 3 prill. Mbyllja e arsimit në të gjithë vendin. Është momenti të mbyllim të gjitha institucionet arsimore dhe të kërkojmë mbylljen e të gjtha aktivieteteve, dëgjesa publike, deri më 3 prill.”-tha Rama.
Sakaq, ekspertët bëjnë thirrje që personat që kanë simptoma të ngjashme me ato të Koronavirusit, të telefonojnë nurmin 127 dhe të mos shfaqen në qendrat mjekësore.
