Përfundon mbledhja e Konferencës së Kryetarëve ku u vendos shtyerja e afatit për veprimtarinë e Komisionit të Reformës Zgjedhore. Në mbledhje ishte ftuar për te qenë i pranishëm edhe Gazment Bardhi, prezenca e të cilit bëri që Flutura Açka të braktiste mbledhjen. Kujtojmë se disa ditë më parë në seancën e fundit parlamentare kreparlamentarja Lindita Nikolla në lexoi një njoftim ku thuhej se Kryetare e Grupit ishte Flutura Açka, por pavarësisht kësaj Bardhi ka qenë i pranishëm në mbledhje.
Vlen të theksohet se ditën e djeshme, pas mbledhjes në Kukës me deputetë të opozitës, Gazment Bardhi tha për mediat se është vendosur ngritja e Komisionit për reformën Zgjedhore, duke njoftuar se bashkëkryetar do të jetë Oerd Bylykbashi.
“Jemi ndalur në agjendën parlamentare të të enjtes, me fokus reformën zgjedhore. Sot kemi autorizuar ngritjen e komisionit që të propozojë projektvendimin për këtë reformë, bashkëkryetar është caktuar Oerd Bylykbashin, anëtarë Dhurata Çupi, Dashnor Sula, Ervin Salianji, Tomorr Alizoti, Lindita Metaliaj, Shpëtim Idrizi, Fatmir Mediu dhe Petrit Vasili. Komisioni do të asistohet nga ekspertë të OSBE- ODIR.
Për ne është e papranueshme që në dy vite komisioni i reformës zgjedhore nuk ka prodhuar asnjë rezultat duke favorizuar vjedhjen e vjedhjeve nga Rama”, tha ai.
