Violinisti shqiptar me famë botërore, Shklëzen Doli, do të organizojë një koncert bamirësie për të prekurit nga tërmeti.
Eventi do të zhvillohet më 30 dhjetor në Erhbar Saal në Vienë, ndërsa biletat do të variojnë nga 30-50 euro për person.
Të gjithë të ardhurat nga koncerti do të shkojnë për familjet e prekura nga tërmeti i 26 nëntorit.
Thirrjes së Dolit, i janë përgjigjur pozitivisht, të gjithë anëtarët e Filarmonisë së Vienës.
Tashmë kanë nisur edhe përgatitjet, për një koncert sa më dinjitoz.
Tërmeti i 26 nëntorit solidarizoi shumë shqiptarë në të gjithë botën.
Përveç dolit, edhe balerinët shqiptarë në Itali do të organizojnë një event në ndihmë të të prekurve nga tërmeti.
