Covid-19 është futur në bisedën virtuale që ka zhvilluar Komisioneri për Zgjerimin në BE, Oliver Varhelyi me kryeministrin Edi Rama, në prag të samitit të Sofjes që do të mbahet javën e ardhshme. Kjo ishte një ndryshim teme, pasi komisioneri në ditët e fundit ka shprehur shqetësim për situatën politike, kryesisht për Kodin Zgjedhor.
Në postimin e tij në Tëitter, Varhelyi zbardh bisedën me kryeministrin Rama, ku shkruan se kanë biseduar për punën e vazhdueshme brenda kornizave të bisedimeve për integrimin në BE. Më tej Varhelyi shkruan se me Ramën folën edhe për mbështetjen e BE në Luftën kundër COVID-19..
‘Një vizitë virtuale me kryeministrin Edi Rama, diskutuam për punën e vazhdueshme të Shqipërisë në plotësimin e kornizave për bisedimet, mbështetjen kundër COVID-19, si dhe përgatitjet për samitin e Sofies javën e ardhshme. Presim që Shqipëria të përparojë në rrugën drejt BE-së’, shkruan komisioneri Oliver Varhelyi.
Në 30 tetor Rama pati një bisedë telefonike me kreun e Këshillit Europian, Charles Michel, i cili u shpreh se Shqipëria ka bërë përparim me reformat.
/GazetaReforma.com/
