Në mbledhjen e Konferencës së Kryetarëve, deputetja demokrate Ina Zhupa ka kritikuar Kryetaren e Kuvendit, Elisa Spiropali, për moszbatimin e rekomandimeve të Komisionit të Venecias lidhur me mandatin e deputetes Olta Xhaçka.
Zhupa theksoi se komisioni ka konfirmuar drejtësinë e kërkesës së opozitës dhe kërkoi që raporti të futet për votim në seancën e së enjtes dhe të dërgohet menjëherë në Gjykatën Kushtetuese.
Ajo theksoi se vendimet e Gjykatës Kushtetuese janë të panegociueshme dhe nuk mund të varen nga vullneti politik i mazhorancës.
“Kjo konferencë kryetaresh duhet kishte pikë të parë ndjesën tuaj për vërdallisjen dy vjecare për të mbrojtur Edi Ramën me mandatin e Olta Xhackes Qartësisht Komisioni i Venecias konfirmon drejtësinë e betejës së opozitës, duke thënë atë që çdo jurist e dinte, që zbatimi i vendimeve të GJK është i panegociushëm dhe nuk mund të varet nga vullneti politik i një mazhorance.Znj. Spiropali investove komisionin e venecias që më pas mos ta zbatoje atë që thote Komisioni Venecias, edhe flisje sikur kishe lexuar gjuhë marsiane. Me logjikën tuaj Ju jeni mbi Kushtetutën, me logjikën tuaj Deputeti është mbi kushtetutën dhe vendimet e gjykates kushtetuese dhe jo e kundërta. Me këtë puc kushtetues ju jepni fund shtetit të së drejtës dhe legjitimoni që jemi në diktaturë. Neser gjykata kushtetuese vendos që një ligj është antikushtetues, me llogjikën tuaj ju mund ta votoni njëlloj se nuk pyesni.Me këtë standard asnjë deputeti të mazhorancës nuk mund ti hiqet kurrë mandati, sepse e mbrojnë votat politike. Ju mund të bëheni investitor strategjik, ju mund të merrni prona publike, tendera. Sot Olta, neser kushdo. Jeni betuar në Kushtetutë, apo jeni betuar për kokën e Edi Ramës? Me vjen keq që znj Bushka po djeg diplomën e saj duke thënë që vendimet e gjykatës kushtetuese nuk janë detyruese për kuvendin.Kërkoj në emër të grupit të mos mbani peng kuvendin për interesa klienteliste, të fusni të enjten për votim raportin dhe ta dërgoni menjëherë po nesër në Gjykatën Kushtetuese”, tha Zhupa.
