Ditën e nesërme Komisioni Hetimor për shkarkimin e Metës, do të zhvillojë mbledhjen e radhës.
Ky organ pritet që të kërkojë shtyrjen e punimeve deri më datën 12 tetor, shkruan “Faxweb”.
Shkak për këtë shtyrje është bërë Komisioni i Venecias, i cili ka deklaruar se do të dalë me një raport final më 11 tetor, pikërisht 3 ditë pas afatit fillestar të Komisionit Hetimor.
Nisur nga këto kushte, pritet që Komisioni t’i kërkojë parlamentit shtyrjen e afatit të punimeve, derisa “Venecia” të thotë fjalën e saj.
Ditën e djeshme ndërkohë, presidenti Ilir Meta publikoi një raport 55 faqesh, për të shpjeguar motivet e dekreteve për zgjedhjet vendore.
Sipas raportit të Metës, zgjedhjet e zhvilluara nuk krijuan alternativa për qytetarët.
