Kombëtarja e futbollit ka bërë detyrën ndaj San Marinos duke fituar me rezultatin e thellë 5-0.
Serinë e golave e hapi sulmuesi Rey Manaj, që shënoi në pjesën e parë për t’i kaluar kuqezinjtë në avantazh. Pjesa e dytë u kthye në një lojë stërvitore, pasi edhe katër gola të tjerë u shënuan. Qazim Laçi shënoi me një goditje perfekte në cepin e portës. Armando Broja tregoi edhe një herë se është një lojtar që bën diferencën, duke shënuar pasi hyri në fushë si zëvnedësues. Emrin në listën e golashënueshve e shënoi edhe kapiteni Elseid Hysaj. Ishte edhe njëherë Broja, ai që këtë herë ndihmoi Uzunin me një assist për të shënuar golin e pestë dhe të fundit.
Tashmë Shqipëria renditet në vendin e dytë në grupin I, pasi Anglia dhe Polonia u ndanë në një barazim 1-1 në ndeshjen e sotme. Kombëtarja lë pas Poloninë që ka 11 pikë, një më pak se të besuarit e Edy Rejas. Ndërkohë, Anglia vijon të mbetet në vendin e parë të grupit me 16 pikë, pa humbur asnjë ndeshje dhe me të vetmin barazim atë të sotmin ndaj Polonisë.
Rezultatet dhe paraqitjet e dy ndeshjeve të fundit sjellin shpresë për një mundësi historike për kualifikimin në Kupën e Botës “Katar 2020”, që do të ishte edhe hera e parë e Shqipërisë në një Botëror.
