Franca ka arritur një fitore të rëndësishme ndaj Belgjikës me rezultatin 1-0, ku heroi i kësaj sfide ishte Kolo Muani. Pas një ndeshjeje të fortë dhe të tensionuar, Muani realizoi goditjen që vendosi fatin e takimit.
Pas ndeshjes, Kolo Muani shprehu emocionet e tij duke theksuar rëndësinë e goditjes së tij dhe rolin që kishte në këtë fitore. “Kisha mundësinë të bëja një goditje krosuese dhe në fund topi shkoi në portë. Deschamps më kërkoi të hyja për të sjellë freski në fushë dhe për të krijuar disa veprime të rëndësishme falë shpejtësisë sime, mendoj se i shërbeva Francës këtë herë,” tha ai pas sfidës së Europianit.
Kjo fitore e çon Francën një hap më pranë objektivave të tyre në këtë kampionat, ndërsa tifozët janë të entuziazmuar për paraqitjen e Muani dhe për formën e përgjithshme të skuadrës.
