Ukraina ka hyrë në javën e tretë të tmerrit të luftës dhe sulmeve të njëpasnjëshme nga Rusia. Ndërkohë që ndodhen mes bombardimeve, ato kanë përdorur shërbimin e internetit satelitor të “SpaceX” duke e aksesuar nëpërmjet aplikacionit “Starlink” .
Të dielën ky aplikacioni u rendit si më i shkarkuari në Ukrainë, me rreth 1000.000 “downlad”.
Starlink u bë i disponueshëm në Ukrainë disa ditë pasi Rusia e pushtoi, kur ministri i transformimit dixhital të vendit, Mykhailo Fedorov, iu lut Musk-ut përmes Tëitter-it që t’i siguronte Ukrainës terminalet që mundësojnë shërbimin, një kërkesë që Musk e realizoi shpejt.
Kujtojmë që gjendja në Ukrainë paraqitet alarmante, që herët në mëngjes, bombardimet ruse shenjestruan dy pallate në Kiev, duke lënë disa persona të plagosur. Edhe në qytetet jugore të Odesa dhe Zaporizhzhia pati shpërthime të shumta. Një tjetër akt barbar është marrë nga forcat ruse në Ukrainë, të cilët kanë vrarë 10 persona, të cilët ishin në radhë për të marrë bukë. Lajmin e ka dhënë Ambasada amerikane në Ukrainë, e cila shkruan në Tëitter se sot forcat ruse qëlluan dhe vranë 10 persona në qytetin verior të Chernihiv.
Kameramani i Fox News, Pierre Zakrzewski, u vra së bashku me një kolege ukrainase, Oleksandra Kuvshynova, teksa raportonin në periferi të Kievit mbi situatën në kryeqytetin ukrainas. Ata po udhëtonin në një makinë me gazetarin e stacionit të njohur televiziv, Benjamin Hall, kur drejt mjetit të tyre u hap zjarr. Hall, një korrespondent i Departamentit të Shtetit, është shtruar në spital, por ende nuk ka informacione mbi gjendjen e tij. Zakrzeëski, 55 vjeç, shtetas irlandez por që jetonte në Londër, kishte punuar në Ukrainë që prej muajit shkurt.
