Ministrja e Shëndetësisë, Albana Koçiu në fjalën e saj në Kuvend, skandalin e mjekëve në Onkologjik e ka cilësuar si “çështje të famshme”. Duket se ky rast nuk po trajtohet me seriozitet nga e ministres e cila nuk gjen as fjalët e duhura për t’u shfajësuar.
“Ndiej detyrën morale për të cekur sërish çështjen e famshme të Onkologjikut. Një grup mjekësh dhe farmacistësh që kanë luajtur me jetën e qytetarëve është akt i një sjelljeje që ka përgjigje ndëshkimin ligjor, moral. Ministria ka nisur hetimin. Për të sanksionuar ata mjekë, që abuzojnë me detyrën, që e trajtojnë jetën njerëzore si mall në tregun e shumicës, do përballen me sanksione. Do t’u hiqet e drejta e ushtrimit të profesionit nëse do të bëjnë ndërhyrje amorale që cenojnë profesionin e mjekut”, tha Koçiu.
