Deputetja demokrate ishte e pranishme ditën e sotme në shkollën e gjuhëve të huaja në Shkodër, “Shejnaze Juka”.
Gjatë aktivitetit u shënua edhe një incident, me njërin prej të pranishmëve.
Ai e quajti Hajdarin një shtojcë të Edi Ramës, ndërsa i tha se nëse do ta njihte babanë e saj, nuk do të qëndronte në krah të kryeministrit.
Pas incidentit, deputetja është shprehur se gjëra të tilla ndodhin, shkruan “Faxweb”.
Më tej ajo deklaroi, se nuk është aspak e shqetësuar nga incidenti, për të cilin tha se e përballon shumë mirë.
Hajdari ndër të tjera, vuri theksin te infrastruktura e dobët e shkollave dhe sidomos ajo që mban emrin e babait të saj.
“Kemi ardhur tek shkolla “Shejnaze Juka” për të festuar ditën e hapjes së kësaj shkolle. Patëm një festë shumë të bukur, takuam nxënësit dhe mësuesit. Sigurisht që incidentet ndodhin. Kjo gjë nuk na shqëtëson fare, përkundërazi, ne i përballojmë shumë mirë, dhe u kënaqëm shumë me nxënësit. Ajo që unë dua të vë në dukje, është infrastuktura e shkollës, shumë e dobët. Infrastruktura është problematikë kryesore në rrethe. Unë do të vazhdoj të vizitoj shkolla të tjera në Shkodër. Do të shkoj edhe në shkollën “Azem Hajdari”. Unë dua të vë theksin tek shkolla “Azem Hajdari”, e cila ka infastrukturë të dobët, ka rrezik të mbyllet. Unë s’do ta lejoj këtë gjë. Ne nuk duhet ti braktisim shkollat”, tha Hajdari.
