Një efektiv i burgut 313 në Tiranë ka rezultuar pozitiv me Covid-19, teksa edhe bashkëshortja dhe djali i tij janë po ashtu të infektuar.
Sipas Balkanweb, polici është vetëkarantinuar bashkë me familjen në shtëpinë e tyre teksa janë testuar 12 kolegë policë të tij që kanë patur kontakte me të infektuarin.
Mësohet se efektivi nuk kishte lidhje me ambientet e burgut pasi merrej me librat e shërbimit.
Ndërkohë, në burgun e Reçit një polic që ka familjarë me Covid-19, ka rezultuar negativ teksa edhe 5 kolegë të tjerë të tij pasi janë testuar kanë rezultuar po negative, e megjithatë janë karantinuar, teksa pritet t’i nënshtrohen sërish testeve
Më herët janë konfirmuar 3 raste pozitive me koronavirus në burgun e Rrogozhinës ku rezultoi i infektuar drejtori i këtij burgu, juristi, dhe një nga specialistët e kësaj drejtorie.
