Detaje të reja janë mësuar për 85-vjeçarin shqiptar, i cili ndërroi jetë një ditë më parë në Indonezi nga koronavirusi.
Sipas “Abcnews”, i moshuari kishte shkuar për pushime disa ditë më parë me familjen në Indonezi.
Vajza e tij është e martuar me një zvicerian dhe ata vendosën që në udhëtimin për në Indoezi ajo të merrte dhe prindërit.
Tre shqiptarët rezultojnë pozitiv me koronavirus, ndërsa dhëndri zvicerian doli negativ në testet e kryera.
Gjithashtu në Indonezi ndodhen edhe një çift tjetër shqiptarësh, që nuk janë të prekur, por janë bllokuar për shkak të situatës së krijuar nga koronavirusi.
Bilanci nga koronavirusi në Indonezi është 450 raste, nga të cilat 38 kanë ndërruar jetë.
Ndërkohë në vendin tonë janë shënuar 76 raste pozitive, nga të cilët 2 viktima dhe 2 të shëruar.
Në sptalin Infektiv po qëndrojnë 37 pacientë, 4 prej të cilëve mbahen në terapi intensive.
Pas Infektivit, ka nisur funksionimin edhe karantina te Kavalishenca në Durrës, ku janë shtruar dy pacientë.
Autoritetet shëndetësore ndërkohë vijojnë me thirrjet për respektimin e rregullave të higjienës dhe distancimit social.
