Nga burimet zyrtare nuk ka ende asnjë rast të ri të prekur nga Coronavirusi, duke e lënë shifrën e të prekurve në 10 persona.
Mirëpo, së fundmi Faxweb shkruan se një familje e cila rezulton të ketë pasur kontakte me të moshuarën e infektuar me Coronavirus në Durrës ka kërkuar që t’i nënshtrohet analizës së Covid-19.
Familja në fjalë ka patur kontakt me të moshuarën 6 ditë më parë dhe pasi morën vesh lajmin kanë kontaktuar me numrin 127 dhe tashmë gjenden te Infektivi dhe pritet që t’u bëhet analiza dhe të kuptojnë nëse janë apo jo të infektuar.
Nga ana tjetër, Ministria e Shëndetësisë u ka bërë thirrje të gjithë qytetarëve të tjerë që të ruajnë qetësinë, ndërkohë ata që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në nr.127 dhe të mos shkojnë direkt në spitale.
Në rang botëror, janë prekur mbi 118,500 mijë persona dhe kanë humbur jetën 4,267 viktima në 115 vende.
