Autoritetet italiane, në bashkëpunim me homologët shqiptarë, kanë çmontuar një bandë të trafikut ndërkombëtar të lëndëve narkotike, me qendër në Bari.
Dy italianë dhe një shqiptar kanë rënë në pranga e policisë, pasi ishin shpallur në kërkim nga Gjykata e Barit.
Hetimi nisi më 27 shtator të 2017-ës, pas kapjes së një 66-vjeçari me 12 pako heroinë, i cili ishte nisur nga Durrësi.
Në vijim të hetimeve u zbulua se organizata përdorte njerëz jo të dyshimtë, për të bërë rolin e korrierit, shkruajnë mediat italiane.
Gjatë hetimeve janë sekuestruar sasi të konsiderueshme droge, të cilat do të përfundonin tek grupet kriminale kalabreze dhe siciliane.
Brenda një garazhi në lagjen “Superga di Trani’, policia gjeti 80 mijë doza heroine dhe 513 mijë e 600 doza marijuanë, që kapnin vlerën e 4 milion eurove.
Të arrestuarit kishin kontakte të vazhdueshme me Ndranghetan, me të cilën bënin shkëmbimin e heroinës me kokainë.
Njërit prej tyre iu vunë prangat në Shqipëri dhe pritet që të ekstradohet drejt shtetit fqinj.
Artikullin origjinal mund ta lexoni këtu.
