Sektori i shëndetësisë është padyshim një nga sektorët më të rëndësishëm dhe këtë herë problematika vjen pikërisht këtej.
Është ish- ministri teknik i Shëndetësisë, Prof. Arben Beqiri, i cilësuar si një nga kirurgët më të mirë të vendit , i cili ka hedhur në gjyq Ministrinë e Shëndetësisë dhe rektorin e Universitetit të Mjekësisë, Prof. Arben Gjatën.
Beqari njihet si një nga kirurgët më të mirë të sëmundjeve të brendshme, me një karrierë të gjatë, por sot gjendemi para faktit që ai ka dorëzuar një akuzë në gjykatë, të cilën e argumenton se MSH, ka shkelur në mënyrë flagrante ligjin. Ai thotë se rektori ka marrë një post të dytë, drejtimin e shërbimit të kirurgjisë në QSUT një pozicion kyç që kërkon angazhim me kohë të plotë.
Në gjykatë është paraqitur vetëm doktor Arben Beqiri, ndërsa kundërshtari i tij, z. Gjata është përfaqësuar nga avokati i tij.
Dr. Beqiri thotë se do ti shkojë çështjes deri në fund dhe se pret që gjykata të japë drejtësi.
“Jam këtu si qytetar dhe kërkoj mbrojtjen e ligjit, aspak për interesat e mia personale. Do t’i shkoj çështjes deri në fund, këtu ka një konflikt të pastër interesi. Kjo është vënë re nga i gjithë stafi akademik”,- tha Beqiri.
