Prej 31 dhjetorit e deri tani, 4,000 persona kanë humbur jetën dhe 116,000 persona të tjerë janë infektuar nga Coronavirusi.
Kina është shteti i parë që u përballë me COVID-19, duke u cilësuar si epiqendra e virusit të rrezikshëm.
Mirëpo, në një kohë kur Europa po dridhet nga Coronavirusit, i cili po përparon me shpejtësi, Kina është gati ‘t’i japë duart’ teksa situata po përmirësohet dita-ditës.
Ditën e sotme, presidenti kinez Xi Jinping ka vizituar Wahanin, qytetin ku mendohet se ka lindur virusi, për herë të parë që prej shpërthimit të COVID-19.
Kjo është parë si një hap drejt shpalljes së fitores së Kinës ndaj krizës shëndetësore, që vrau të paktën 3,136 persona në këtë shtet.
Presidenti Xi vizitoi sot spitalin e ndërtuar për 10 ditë në luftën ndaj epidemisë dhe më shkoi në një komunitet lokal me rezidentët nën karantinë.
Nga ana tjetër, autoritetet në Wahan kanë mbyllur 14 spitale të përkohshme të quajtura ‘fang cang’ të konvertuara nga salla sportesh e ekspozitash, të cilat trajtuan rreth 12,000 pacientë.
Kujtojmë se në provincën e Hubeit u karantinuan 11 milionë njerëz, teksa ditët e fundit është shënuar një rënie e ndjeshme e të infektuarve.
Ndërkohë, 102 vende në të gjithë botën janë prekur nga virusi i rrezikshëm, mes të cilëve edhe vendi ynë ku janë deri më tani 10 të infektuar.
Më herët pasditen e sotme, kreu i qeverisë Edi Rama mblodhi qeverinë ku bëri me dije masat e reja të marrë në kuadër të goditjes së vendit nga Coronavirusi.
Mbledhja e qeverisë: Nga shpërblim prej 1 mijë eurosh për stafin mjekësor tek masat ekstreme
