Kryebashkiaku i zgjedhur i Himarës, Fredi Beleri ka ankimuar vendimin e Gjykatës së Posaçme kundër Korrupsionit dhe Krimit të Organizuar. Në apelin e tij, Beleri kërkon prishjen e vendimit dhe shpalljen e tij të pafajshëm. Dosja e tij është dorëzuar në Apelin e GJKKO-së, ndaj edhe pritet hedhja e shorti për të caktuar trupën gjykuese.

I zgjedhur nga votat e qytetarëve kryebashkiak i Himarës, Fredi Beleri është arrestuar që më datë 12 maj 2023. Ai akuzohet për veprën penale “korrupsion aktiv në zgjedhje, kryer në bashkëpunim”. Banorë të Himarës kanë thënë se atyre iu janë premtuar para, në këmbim të votës. Ai u prangos 48 orë para zgjedhjeve lokale të 14 majit, por prangosja dhe dënimi i tij ka acaruar marrëdhëniet mes Shqipërisë dhe Greqisë. Pala greke pretendon se e gjitha po bëhet për të “mbytur’ minoritetin grek në Shqipëri, akuza që i ka rrëzuar vetë kryeministri Edi Rama