Gjykata e Posaçme Kundër Korrupsionit dhe Krimit të Organizuar ka refuzuar kërkesën e Jurgis Çyrbjas për ndryshimin e masës së sigurisë.
Vendimi u mor nga gjyqtarja Etleva Deda, e cila nuk pranoi kërkesën e mbrojtjes së ish-deputetit socialist.
Ky zhvillim ndodh pak ditë pas përfundimit të hetimeve nga Prokuroria e Posaçme SPAK dhe dorëzimit të kërkesës në Gjykatën e Lartë për dërgimin në gjyq të Çyrbjas, i akuzuar për përfshirje në veprimtari kriminale.
Jurgis Çyrbja u arrestua më 20 tetor 2024 me urdhër të SPAK dhe ka shërbyer si deputet në dy legjislatura të Kuvendit. Ai dha dorëheqjen nga mandati në tetor të vitit të kaluar, në kohën kur hetimet nga SPAK ishin në fazën përfundimtare.
