Pas Ralf Gjonit, edhe dy deputetë të tjerë kanë rezultuar pozitiv me koronavirus. Bëhet fjalë për deputetin e opozitës, Enver Roshi dhe deputetin e mazhorancës, Eljo Hysko.
Testet kanë konfirmuar sot se deputetët janë të infektuar me COVID-19.
Ndërkohë, ish-deputeti i LSI, Vangjel Tavo propozon karantimin e Parlamentin dhe kryerjen e tamponit për të gjithë deputetët.
“EMERGJENTE tamponi për të gjithë deputetët dhe karantinim për të gjithë Parlamentin”, shkruan Tavo.
Më herët gjatë ditës ishte kryebashkiaku i Tiranës, Erion Veliaj, që konfirmoi se ishte infektuar me koronavirus.
