Një 37-vjeçar është arrestuar në Tiranë pasi ka kanosur një 40-vjeçare me armë zjarri pas një sherri për motive të dobëta.
Policia organizoi një operacion të koduar “Prevention” për parandalimin e një ngjarjeje kriminale, duke siguruar se ai do të përballet me përgjegjësinë ligjore.
Gjatë kontrollit në banesën e tij, u gjetën dhe u sekuestruan një pistoletë, dy armë gjahu, një armë të ftohtë dhe municion luftarake. Shërbimet e Komisariatit të Policisë Nr. 4, pasi morën informacionin se i arrestuari kishte kanosur gruan, vepruan me shpejtësi për të shmangur një ngjarje më të rëndë.
Njoftimi i Policisë:
Tiranë/Finalizohet operacioni policor i koduar “Prevention”, për parandalimin e një ngjarjeje të mundshme kriminale. Kanosi me armë zjarri pistoletë, një 40-vjeçare, për motive të dobëta, dhe posedonte armë gjahu, armë të ftohtë dhe municion luftarak, në banesë, arrestohet në flagrancë 37-vjeçari. Sekuestrohen arma e zjarrit pistoletë, 2 armë gjahu, 1 armë e ftohtë dhe municion luftarak.
Shërbimet e Komisariatit të Policisë Nr. 4, pas marrjes së njoftimit se në rrugën “Muhamed Deliu”, një shtetas posedonte armë në banesë dhe kishte kanosur një 40-vjeçare, kanë organizuar menjëherë punën për parandalimin e ngjarjes së mundshme kriminale, dokumentimin e plotë ligjor të rastit dhe vënien e autorit të dyshuar përpara përgjegjësisë penale.
Si rezultat i veprimeve të shpejta hetimore dhe procedurale të kryera në kuadër të operacionit “Prevention”, u kap dhe u vu në pranga shtetasi L. L., 37 vjeç, banues në Tiranë.
Nga hetimet dyshohet se ky shtetas ka kanosur me armë zjarri pistoletë, një 40-vjeçare, në rrugë, për motive të dobëta. Gjatë kontrollit në banesën e 37-vjeçarit, shërbimet e Policisë gjetën dhe sekuestruan armën e zjarrit pistoletë që dyshohet se e ka përdorur për kanosjen, 2 armë gjahu, 1 armë të ftohtë dhe municion luftarak. Materialet procedurale i kaluan Prokurorisë, për veprime të mëtejshme.
