Para disa ditësh në ngjarje e rëndë u regjistrua në Vlorë ku një 26-vjeçare u përdhunua në grup.
Fillimisht, Policia raportoi se autorët e abuzimit ishin 3 djem, duke fshehur personin e katërt, që ishte djali i pronarit të televizionit lokal “6+1 TV Vlora”.
Gazetarja Afrovita Hysaj raportoi fshehjen e një prej autorëve të abuzimit seksual të një 26-vjeçareje në Vlorë.
Ndryshe nga policia e cila raportoi për 3 autorë, Hysaj tha se në këtë ngjarje është përfshirë edhe një person i katërt, i cili ishte djali i një drejtuesit të televizionit lokal “6+1 Vlora”.
Pas këtij raportimi gazetarja mori një mesazh kërcënues nga pronari i televizionit lokal, ndërsa “6+1 Vlora” publikoi një artikull ku gazetaren e etiketonte me termin e rëndë “Prosti”.
Afrovita Hysaj ka kallëzuar në policinë e Vlorës drejtuesin e televizionit Albert Deliaj dhe blutë e kanë proceduar penalisht. Gjithashtu, policia deklaron se personi i katërt nuk ka qenë i përfshirë në aktin e abuzimit seksual, por ka nxitur 3 të tjerët që t’i japin lëndë narkotike 26-vjeçares
