Policia italiane ka arrestuar ditën e djeshme një 47-vjeçar shqiptar, për kërcënime ndaj ish-gruas, e cila kishte urdhër mbrojtje.
Ai ishte dënuar me 2 vite e 9 muaj burg nga Gjykata e Apelit të Torinos, shkruan “LavocediAsti”.
Pak kohë më parë, shqiptari kishte kërcënuar me jetë ish-gruan dhe të dashurin e saj të ri, të cilët i kishte parë rastësisht në rrugë.
Duke përdorur një copë hekuri dhe me ndihmën e dy shokëve të tij, 47-vjeçari goditi të dashurin e ish-gruas.
Fatmirësisht gruaja e shqiptarit dhe i dashuri, i cili mori disa plagë, arritën që të largohen nga vendi i ngjarjes.
Karabinierët arritën që t’i vendosnin prangat 47-vjeçarit gjatë mbrëmjes në një lokal në qendër të qytetit.
Ndërkohë djali i tij i mitur, iu besua një familjari nga ana e nënës.
