Policia e Tiranës ka shpallur në kërkim një 34-vjeçar nga Tirana pasi ka postuar foto dhe video të një shtetaseje duke ndërhyrë në rrjetet e saj sociale.
Përmes një njoftimi policia bëri me dije se specialistët e Sektorit për Hetimin e Krimeve Kibernetike të DVP Fier shpallën në kërkim shtetasin M. A., 34 vjeç, banues në Tiranë.
Ky shtetas dyshohet se ka ndërhyrë në rrjetet sociale të një shtetaseje, duke postuar foto dhe video të saj, si dhe e ka kanosur me mesazhe.
Materialet procedurale i kaluan Prokurorisë, për veprime të mëtejshme.
