Pas rifillimit të mbledhjes së Konferencës së Kryetarëve, vetëm dy deputetë nga opozita janë lejuar të marrin pjesë, ndërsa të tjerët janë korridorin e selisë së Kuvendit, ku garda nuk lejon hyrjen e tyre në sallë.
Janë nënkryetari i Kuvendit, Agron Gjekmarkaj dhe kryetarja e Komisionit të Shëndetësisë, Zheni Gjergji dy deputetët që po ndjekin mbledhjen.
Mbledhja zhvillohet pa praninë e mediave, por deputetja Gjergji ka publikuar një video në rrjetet sociale ku dëgjohet teksa kjo e fundit e quan të turpshme qëndrimin e Kuvendit, ndërkohë që shton se deputetët janë lënë jashtë dhe disa të tjerë janë mbyllur në ashensor.
“Deputetët janë jashtë, i keni mbyllur në ashensor brenda! Nuk lejohet të futet në mbledhje Gazment Bardhi, të cilin e keni ftuar! Buxheti është një turp që e diskutoni pa opozitën prezent. Po mohet e drejta e fjalës! Turp!”- shprehet kryetarja e Komisionit të Shëndetësisë.
Ndërkohë që nënkryetari i Kuvendit, Agron Gjekmarkaj në shenjë proteste ka qëndruar në këmbë, ndërsa dëgjohet të thotë se e keni shndërruar në “burg” Kuvendin. Ai u shpreh se kjo nuk është një situatë normale, duke shtuar se opozita spo kërkon asgjë të veçantë, por vetëm të drejtat që i përcakton Kushtetuta.
