Pas ndeshjes me Moldavinë që siguroi kualifikimin për “Berlin 2024” kapiteni i kombëtares Berat Gjimshiti ka delkaruar se është një përjetim i paparashikueshëm. Ai ka falenderuar tifozerinë për mbështetjen, “kemi tifozët më të mirë në botë”, theksoi kapiteni.
“Përjetim i papërshkrueshëm. Nuk ishte ndeshja jonë më e mirë. Një pikë na çoi në Europian, jemi të gjithë të lumtur. Sa shumë shqiptarë që kishte në stadium, i falenderoj shumë të gjithë. Kemi tifozët më të mirë në botë.
E kemi kuptuar që do të shkonim në Europian, kur fituam me Çekinë 3-0, ajo na dha vetëbesim. E menduam të gjithë që ishim të kualifikuar, por duhet të ishim të gjithë me këmbë në tokë. Gjithçka u arrit.
Edhe herën e fundit isha në eliminatore, pastaj nuk shkova në Europian, të presim (qesh). Rëndësi ka të kemi shëndetin. Duhet të shfrytëzojmë çdo moment dhe të ndjejmë atë emocion”, tha Gjimshiti.
