Nëndrejtoresha e Gjimnazit Profesional “Harry Fulz”, Brikena Baxhaku, është paraqitur në Prokurorinë e Posaçme mesditën e kësaj të enjteje.
Ajo është thirrur për të dhënë shpjegime në lidhje me hetimet ndaj Belind Këlliçit, i cili është nën hetim për falsifikim diplome dhe deklarim të rremë në formularët e vetëdeklarimit.
Baxhaku hyri në SPAK rreth orës 11:00.
Belind Këlliçi, drejtuesi politik i Partisë Demokratike për qarkun e Tiranës, akuzohet për falsifikimin e dokumenteve që i kanë mundësuar regjistrimin në studimet universitare në Shtetet e Bashkuara të Amerikës dhe për deklarata të rreme të bëra në formularët zyrtarë gjatë kandidimit të tij për deputet, ku ka deklaruar se ka përfunduar arsimin e mesëm dhe të lartë.
