Organet e drejtësisë mesa duket po fillojnë të marrin jetë dhe të parit që po i jen radhë është Inspektoriati i Lartë i Drejtësisë.
Ditën e sotme Këshilli i Emërimeve në Drejtësi (KED) ka nxjerrë sot 13 kandidaturat për kreun e Inspektoriatit.
Sipas KED tashmë ka përfunduar afati i shpalljes “Për hapjen e Procedurës së Aplikimit në Pozicionin Vakant Inspektor i Lartë i Drejtësisë”, dhe pasi ky organ ka vlerësuar kandidaturat, ka vendosur që ndër ta 13 persona kanë qenë të kualifikuar për të garuar për marrjen e detyrës si drejtues të Inspektoritatit të Lartë të Drejtësisë. Ndër emrat e përzgjedhur vihen re kandidatë të tillë si Altin Hazizaj, ish-kryetarja e KQZ, Lefterie Lleshi apo edhe Genci Gjonçaj.
Lista me emrat e 13 kandidatëve që konkurrojnë për Inspektoritatin e Lartë të Drejtësisë:
- Altin Hazizaj
- Artur Malaj
- Artur Metani
- Elira Kokona
- Eris Hysi
- Ferdinand Caka
- Genci Gjonçaj
- Genci Ismaili
- Klodian Rado
- Lefteri Lleshi
- Marsida Xhaferllari
- Mimoza Qinami
- Suzana Frashëri
Mirëpo çfarë funksioni ka Inspektorati i Lartë i Drejtësisë që është kaq i rëndësishëm për drejtësinë në vend?
ILD është institucioni që do të merret drejtpërdrejt me shqyrtimin e procedimin ndaj gjyqtarëve të cilët kapen duke kryer shkelje të rënda. Pra si institucion ILD do të merret me hartimin e shkeljeve disiplinore ndaj prokurorëve dhe gjykatësve pavarësisht nivelit në të cilin ata ndodhen.
