Këshilli i Emërimeve në Drejtësi, KED, i ka dërguar Kuvendit listën e kandidatëve për Inspektoratin e Lartë të Drejtësisë (ILD).
Lajmi është bërë i ditur në një njoftim për mediat.
Po ashtu, është dërguar edhe raporti i arsyetuar për renditjen e kandidatëve të lejuar për ILD.
Lista do miratohen nga deputetët e Kuvend të Shqipërisë.
NJOFTIM PËR MEDIAN
Këshilli i Emërimeve në Drejtësi (KED), në datën 26.12.2019, në zbatim të pikës 4 të nenit 147/d dhe pikës 1 të nenit 149/d të Kushtetutës, të pikës 2 të nenit 199, shkronjës “ë” të pikës 2 të nenit 201, nenit 217, të pikës 5 të nenit 229 dhe nenit 239 të ligjit nr. 115/2016 “Për organet e qeverisjes së sistemit të drejtësisë”, i ka përcjellë Kuvendit të Republikës së Shqipërisë për të ushtruar kompetencën e zgjedhjes së Inspektorit të Lartë të Drejtësisë brenda 30 ditëve nga dorëzimi i akteve:
– Listën Përfundimtare të Renditjes së Kandidatëve të Lejuar për Inspektor i Lartë i Drejtësisë,
– Raportin e Arsyetuar për Renditjen e Kandidatëve të Lejuar për Inspektor i Lartë i Drejtësisë,
– si edhe aktet përkatëse të Këshillit të Emërimeve në Drejtësi gjatë procedurës së verifikimit, vlerësimit, pikëzimit dhe renditjes së kandidatëve të lejuar për vendin vakant të Inspektorit të Lartë të Drejtësisë
Po çfarë janë KED dhe ILD?
Me miratimin e ndryshimeve kushtetuese në 22 korrik, një prej institucioneve të reja që u krijua ishte Këshilli i Emërimeve në Drejtësi.
KED do të bëjë verifikimin, vlerësimin e kritereve profesionale e morale të kandidatëve për anëtarë të Gjykatës Kushtetuese dhe për lnspektor të Lartë të Drejtësisë.
Nga ana tjetër, KED, Inspektorati i Lartë i Drejtësisë, qëndron në krye të organeve të sistemit të drejtësisë.
Detyrat dhe kompetencat e ILD-së përfshijnë: verifikimin e ankesave të personave fizikë ose juridikë ndaj gjyqtarëve, prokurorëve, anëtareve të Këshillit të Lartë Gjyqësor dhe anëtarëve të Këshillit të Lartë të Prokurorisë.
