Mediat greke raportojnë se Greqia nuk ka pranuar të firmosë një letër të përbashkët të 27 vendeve anëtare të BE-së për hapjen e kapitujve të negociatave për Shqipërinë. Shteti fqinj ka vendosur bllokadën e parë për shkak të çështjes ‘Beleri’, kyrebashkiakut të zgjedhur të Himarës.
“Një përshkallëzim thelbësor i qëndrimit të ashpër ndaj Tiranës për shkak të shkeljes së vazhdueshme të të drejtave të kryebashkiakut të burgosur të Himarës, Fredi Beleri, përfaqëson vendimi i Greqisë për të mos dhënë pëlqimin për një letër të përbashkët të 27 vendeve anëtare të BE-së për Shqipërinë për fillimin e negociatave për grupin e parë të fondeve të anëtarësimit”, shkruan e përditshmja greke.
Gazeta greke ‘Kathimerini’ thekson se Maqedonia e Veriut ka marrë dritën jeshile për negociatat e kapitujve të parë, pasi Bullgaria ka rënë dakord.
