Ministri i Brendshëm i vendit Taulant Balla është shprehur se detyra e Policisë së Shtetit është të zbardhë çdo ngjarje kriminale dhe të vendosë para drejtësisë fajtorët, duke bërë çdo përpjekje për t’i parandaluar.
Ai raportoi se gjatë 24 orëve të fundit se kryer 4 ekstradime.
Balla u shpreh se edhe pse fajtorët mund të fshihen për një kohë, brenda dhe jashtë vendit, Policia e Shtetit duhet t’i gjejë kudo që të struken dhe t’i vendosë para drejtësisë.
“Detyra e Policisë së Shtetit është të zbardhë çdo ngjarje kriminale dhe të vendosë para drejtësisë fajtorët, duke bërë çdo përpjekje për t’i parandaluar. Fajtorët mund të fshihen për një kohë, brenda dhe jashtë vendit, por Policia e Shtetit duhet t’i gjejë kudo që të struken dhe t’i vendosë para drejtësisë. Për këtë qëllim duhet punë e pandërprerë hetimore dhe bashkëpunim me agjencitë partnere dhe me qytetarët, informacionet e të cilëve janë shumë të vlefshme. Katër persona të kërkuar nga drejtësia janë ndaluar/ekstraduar gjatë 24 orëve të fundit”, u shpreh Balla.
